ராகு யோக பலன்

ரிசபம், மிதுனம், கன்னி, துலாம், மகரம், கும்பம் ஆகிய லக்னங்களுக்கு ராகுதசா யோகம் தரும். இது பொதுவிதி.

மற்ற லக்னத்திற்கும் ராகு சுபர்களின் தொடர்பில் யோகபலனை தரும். அதிலும் லக்ன சுபர்களின் வீடுகளில் இயற்கை சுபர்களின் வீடுகளில் உள்ள ராகு சிறந்த யோக பலன்களை தரும்.

ராகுவை போல மிக உயர்ந்த யோகபலன்களை மற்ற கிரகங்களால் எந்த நிலையிலும் தரவே முடியாது என்பது எனது கருத்து.

பல விளையாட்டு வீரர்கள் உச்ச நிலையை ராகுதசாவில் தான் அடைந்துள்ளனர்.
பல தொழிலதிபர்கள், அதிகாரத்துறையினர் நம்பர் நிலையை ராகுதசாவில் தான் அடைந்துள்ளனர்

ராகுவிற்கு 3,6,11 ,12 நல்ல இடங்கள்.
ராகுவின் ராசிநாதன் உச்சமடைவது உச்சபச்ச யோகம் தரும்.
ராகுவிற்கு நான்கு கேந்திரங்களிலோ, மூன்று கேந்திரங்களிலோ ( கேதுவை தவிர்த்து) கிரகங்கள் இருப்பது யோகம்.

ராகுவிற்கு சுபரின் பார்வை சேர்க்கை பரிவர்த்தனை நல்ல யோக பலன்களை தரும்.
ராகு புஷ்கராம்சத்தில் இருந்தாலும் ராகு இருந்த ராசிநாதன் புஷ்கராம்சத்தில் இருந்தாலும் யோகபலனை தரும்.

ராகு கேந்திரத்தில் கோணாதிபதியுடனும் கோணத்தில் கேந்திராதிபதியுடனும் இருந்தால் அத்தசாக்காலம் யோகம் தரும்.
லக்ன சுபர்களின் வீடுகளில் உள்ள ராகு நல்ல ராகு.
மேசம், ரிசபம், கடகம், கன்னி, மகரம், தனுசு ராகுவிற்கு நல்ல இடங்கள்.

ராகு லக்ன அசுபராயினும் சுபக்கிரகங்களின் பார்வையையோ சேர்க்கையோ பெற்று நவாம்சத்திலும் சுபர்களின் ராசிகளில் இருப்பது நல்ல பலனையே தரும்.

எனது நண்பர்களின் ஜாதகங்களில் ராகு 12 ல் இருந்தாலும் யோகத்தை தருவதை நிறைய கண்டிருக்கிறேன். அதற்கு அதன் கேந்திரங்களில் பலமான கிரகங்கள் இருப்பதே காரணம் ஆகும்.

தர்ம கர்மாதிபதிகள் போன்ற கேந்திரகோணாதிபதிகளின் சேர்க்கை பெற்ற ராகு யோகமான பலனையே தரும்.

ஐந்திரம், திருதி, வியதிபாதம் ஆகிய யோகத்தில் பிறந்தவர்களுக்கு ராகுதசா சிறந்த யோகத்தை தரும்.

பாலவ கர்ணம், நாகவம் கர்ணம் ஆகிய கர்ணங்களில் பிறந்து ராகு கேந்திர கோணத்தில் இருந்து தசா நடத்தினால் நல்ல சுப பலன்களை தரும். இது மற்ற தசாக்காலங்களை விட வாழ்வின் உன்னத நிலையை தரும்.

பஞ்சாங்கப்படி திதிசூன்ய ராசியில் உள்ள ராகு சிறந்த செல்வந்த யோகத்தை தரும்.

இவை எல்லாம் பொதுபலனே ஆகும். உங்களுடைய தனிப்பட்ட ஜாதகத்தில் உள்ள மற்ற அமைப்புகளையும் ஆய்வுசெய்து இதனுடைய பலன்களை உறுதிப்படுத்திக்கொள்ள வேண்டும்.
அதாவது லக்னம் வலுவடையாமல் யோகம் இல்லை.